ALCER CORUÑA. NOVIDADES DA SEMANA DO 15 DE SETEMBRO DO 2025

 - ANDAINA A PROL DA DOAZÓN | Bertamiráns (Ames)

* Reprogramamos esta actividade para o día 25 de setembro e desta volta o punto de saída será desde Bertamiráns.

- FORMACIÓN | Obradoiro en Narón

O programa "Actívate con Alcer" busca previr situacións de dependencia para poder realizar as actividades da vida diaria ou ben buscar estratexias para mellorar a independencia naquelas tarefas nas que apareza algunha limitación, como vestirse, asearse, camiñar, etc. Neste obradoiro explicaranse máis polo miúdo todos estes contidos. Inscríbete!

- ALCER 7 VIDAS | Xornada de Benvida á UDC

Un ano máis tivemos o pracer de participar na xornada de Benvida ao alumnado do curso 2025/2026 da Universidade da Coruña. Grazas a esta actividade 338 persoas se achegaron para coñecer a nosa historia e a importancia da doazón de órganos; 24 delas formalizaron alí mesmo a solicitude da tarxeta de doante de órganos 

 Grazas aos equipo de voluntariado: Gumer, Marcelo, Rafa e Verónica por participar. 

- CARREIRA ENKI | Presentación da actividade

Este mércores 17 de setembro, Paco e Bea, integrantes da Xunta Directiva da entidade, participaron na xornada de presentación da Carreira ENKI que se celebrará o vindeiro sábado 18 de outubro na cidade da Coruña. Proximamente vos achegaremos información para acudir a esta cita. Anímaste a participar? 

- TARDES CON ALCER | Nova xuntanza na delegación de Ferrol

O xoves 18 de setembro retomáronse as sesións de Tardes con Alcer na delegación de Ferrol despois do verán.  Contáctanos se queres participar na vindeira sesión. 

- RECEITA | Friame de pavo

- OUTRAS NOVIDADES DE INTERESE

Enfermidade renal

 A enfermidade renal crónica esixe un cambio de rumbo: “O máis relevante, incorporar un plan de cribado”.  Aquí podes ler a nova completa.

 Borja Quiroga, nefrólogo, sobre as pedras no ril: "Hai que tentar reducir o consumo de bebidas alcohólicas, a cervexa e os mariscos".  Aquí podes ler a nova completa.

Campañas en Redes Sociais

 Rafa Rodríguez, presidente da entidade, participou na campaña en redes sociais promovida por COGAMI para reinvindicar o Día da Seguridade do Doente.  Aquí podes ver a súa reinvindicación.

- LOTERÍA | Décimos e participacións dispoñibles