ALCER CORUÑA. ESPECIAL DÍA DO DOANTE 2025

 DELEGACIÓN DE SANTIAGO DE COMPOSTELA

MESA INFORMATIVA NA PRAZA DO TOURAL

O mércores estivemos na Praza do Toural de 10:00 a 14:00 horas, onde instalamos unha mesa informativa e entregamos ás persoas viandantes 400 dípticos informativos para sensibilizar sobre a importancia de ser persoas doadoras.

 Á mesa achegouse a Concelleira de Dereitos e Servizos Sociais do Concello de Santiago (María Rozas) e tamén o director médico de HM Hospitales Santiago de Compostela (Pablo Asensio).

 Grazas tamén a Ritxi, Silvia, Celia, José Manuel e Gerardo por acompañarnos como persoas voluntarias tanto ao equipo técnico da delegación (Mónica Conde e Jessica Antelo) como á xunta directiva (Alfredo Saborido e Ana Mato).

​ DELEGACIÓN DE CORUÑA

MESA INFORMATIVA NO OBELISCO

O mércores tamén estivemos no Obelisco de 10:00 a 14:00 horas cunha mesa informativa. 

 Á mesa achegouse a Concelleira de Benestar Social, Participación e Igualdade do Concello da Coruña (Nereida Canosa).

 Grazas Alejandra e Marcelo por axudarnos e acompañarnos como persoas voluntarias tanto ao equipo técnico da delegación (Cristina López e Ana García) como á xunta directiva (Beatriz Vega).

​MESA INFORMATIVA NO CENTRO UNIVERSITARIO DE RIAZOR

Onte instalamos unha mesa informativa no Centro Universitario de Riazor, na que Alejandra e Marcelo (persoas voluntarias de Alcer Coruña), sensibilizaron ao alumnado que se achegou sobre a doazón de órganos.

​​MESA INFORMATIVA NA FUNDACIÓN SAN RAFAEL

Esta mañá tamén estivo a traballadora social Cristina López na Fundación San Rafael xunto coa súa directora Dolores Estrada, onde se colocou unha mesa informativa para fomentar a importancia da doazón de órganos. 

​​ DELEGACIÓN DE FERROL

MESA INFORMATIVA NO CONCELLO DE NARÓN

No concello de Narón instalamos o mércores pola mañá outra mesa informativa para o fomento da doazón, na que acompañaron á traballadora social da delegación (Ángela Breijo) o enfermeiro da UCI Javier Hermida, a subdirectora de enfermaría Begoña Vidal, á facultativa de UCI e de coordinación da doazón da área sanitaria de Ferrol María José Castro e o xefe de servizo de nefroloxía do CHUF Pablo Bouza.

MESA INFORMATIVA NA PRAZA DA GÁNDARA DE NARÓN

Pola tarde e tamén en Narón, estivemos na Praza da Gándara xunto coa voluntaria Ángeles Fernández; a concelleira de Igualdade, Benestar Social e Política Lingüística do Concello de Narón; o presidente de Alcer Coruña Rafael Rodríguez; e a traballadora social da delegación de Ferrol Ángela Breijo.

MESA INFORMATIVA NO CAMPUS DE FERROL

E entre a poboación estudante do Campus de Ferrol tamén quixemos achegar onte pola mañá a importancia da doazón grazas á axuda do noso voluntario Gumer.