ALCER CORUÑA. NOVIDADES DA SEMANA DO 15 DE MAIO

VISITA AO AQUARIUM FINISTERRAE DA CORUÑA

O próximo 25 de maio temos unha cita no aquarium da Coruña. Anímaste a participar? Chámanos!! Actividade gratuíta!

XANTAR CON ALCER ASTURIAS

O pasado sábado tivemos o pracer de ter un xantar coas compañeiras e compañeiros de Alcer Asturias e pasar unha agradable xornada!

MESA INFORMATIVA EN BERTAMIRÁNS - AMES

O pasado luns estivemos na Farmacia Antucho de Bertamiráns xunto coa nosa voluntaria Ana Mato. Informamos ás persoas asistentes sobre a importancia da doazón de órganos e os hábitos de vida saudable para o coidado da saúde renal.

OBRADOIRO DE TERAPIA OCUPACIONAL EN SANTIAGO DE COMPOSTELA

O pasado martes tivo lugar un obradoiro para a prevención da dependencia en Santiago de Compostela. Impartiuno a terapeuta ocupacional de Alcer Coruña Jessica Antelo e asistiron un total de 11 persoas.

FINALIZACIÓN DA FORMACIÓN INTERNA SOBRE A ORIENTACIÓN LABORAL E OCUPACIONAL DE PERSOAS CON ENFERMIDADE RENAL

Desde a Federación Nacional Alcer e o Grupo Laboral "Okúpate", implementaron ao longo de 4 sesións varias formacións internas sobre a realidade laboral e ocupacional das persoas con enfermidade renal. Deste grupo leva formando parte moitos anos Rafa (presidente de Alcer Coruña); e este ano sumouse a Jessica Antelo (terapeuta ocupacional), que impartiu na última xornada unha formación sobre alternativas ocupacionais e adaptación das mesmas ás diferentes capacidades das persoas usuarias.

 FIN DO PRAZO DE INSCRICIÓN PARA O ENCONTRO DE PERSOAS CON ENFERMIDADE RENAL DE GALICIA!

Recorda contactar con nós se finalmente queres participar no encontro de persoas con enfermidade renal de Galicia. O luns remata o prazo de inscrición!

WEBINAR "CICLO MENSTRUAL EN MULLERES CON ENFERMIDADE RENAL"

Podes inscribirte a través do código QR ou chamándonos ao 981.29.87.59!

 XUDÍAS VERDES SALTEADAS

Receita adaptada ás pautas nutricionais das persoas con enfermidade renal.

OUTRAS NOVIDADES DE INTERESE!

Eido laboral

 Esta semana saiu publicado no BOE un Real Decreto que anuncia o adelanto da xubilación ás persoas que teñen unha discapacidade recoñecida maior ou igual ao 45%. Neste caso, a enfermidade renal crónica non aparece contemplada. Podedes consultar todo o Real Decreto AQUÍ

Enfermidade renal

 A ciencia non para de avanzar e nun estudo realizado no Hospital de Bellvitge demostraron que poden reducir nun 12% a insuficiencia renal aguda tras ciruxías cardíacas complexas. Podes consultar AQUÍ o artigo completo. 

 Un algoritmo podería descubrir enfermidades renais comparando datos da historia clínica do SERGAS. Trátase do proxecto Galión. Podes ler a nova completa AQUÍ

Transplantes

 Unha nova a analizar e sobre a que reflexionar, pero da que nos fan conscientes desde o Consello Xeral de Colexios Oficiais de Farmacia. Entre un 20 e un 54% das persoas transplantadas deixan de tomar o tratamento. Podes ler AQUÍ a nova completa.