ALCER CORUÑA. NOVIDADES DA SEMANA DO 17 DE ABRIL

PARTIDO A PROL DA DOAZÓN DE ÓRGANOS DO BÁSKET XIRIA

O sábado estivemos en Carballo no encontro de baloncesto do Básket Xiria contra o Cultural y Deportiva Leonesa SAD. Instalamos unha mesa informativa a prol da doazón de órganos e achegámonos no medio do encontro á pista para ler un manifesto e animar ás persoas asistentes a ser doadoras.

PARTIDO A PROL DA DOAZÓN DE ÓRGANOS DO SD COMPOSTELA 

O pasado domingo estivemos no estadio Verónica Boquete no encontro entre o SD Compostela e o Palencia Cristo. 6 persoas voluntarias axudáronnos a instalar mesas informativas para entregar información ás persoas afecionadas que se achegaron ao encontro deportivo e a instalar 2 mesas informativas a prol da doazón e órganos nas dúas portas de accesos ao estadio.

FORMACIÓN DO GRUPO DE EMPREGO PARA TRABALLADORES DOS ALCERES PROVINCIAIS

Esta semana comezou a primeira das catro formacións internas para persoas traballadoras de todos os alceres provinciais en materia de emprego. Abordamos a dificultade do acceso ao eido laboral das persoas con enfermidade renal crónica, os tipos de incapacidades laborais e a nova lei que rexirá o recoñecemento da discapacidade. 

FOMENTO DA DOAZÓN DE ÓRGANOS NO CEIP XESÚS SAN LUIS ROMERO DE CARBALLO

O martes estivemos co alumnado deste centro informando sobre a importancia da doazón de órganos. Asistiron os traballadores sociais da delegación da Coruña (Beatriz Vega e Filipe Cruz) xunto con Fran Encinar (como voluntario e familiar dunha persoa con enfermidade renal).

OBRADOIRO DE COCIÑA DE APROVEITAMENTO EN FERROL

Na tarde de onte tivo lugar o primeiro obradoiro de cociña de aproveitamento que imos desenvolver nas tres delegacións da entidade. 

 O próximo 9 de maio terá lugar na delegación da Coruña. Non agardes e reserva a túa praza!

VIAXE INTERNACIONAL PARA PERSOAS CON ENFERMIDADE RENAL E ACOMPAÑANTES

Rogamos que se algunha persoa quere inscribirse, nos informedes no 981298759!

VISITA DE ALCER ASTURIAS A CORUÑA!

O próximo sábado 13 de maio estarán na Coruña persoas usuarias de Alcer Asturias e convídannos a comer todas e todos xuntos no Restaurante A Peneira (sito na Avda. Calvo Sotelo, nº18) por 17€/persoa.

O menú será: Caldo galego ou sopa, empanaDA caseira, tenreira asada con guarnición, poste e bebida. PRAZO DE INSCRICIÓN ATA O 30 DE ABRIL!

ENCONTRO DE PERSOAS CON ENFERMIDADE RENAL DE GALICIA

ESPETADAS DE PAVO E VERDURAS!

Receita adaptada ás pautas nutricionais de persoas en ERCA, diálise e transplantadas.

 NOTA INFORMATIVA PARA PERSOAS SOCIAS!

Na asemblea celebrada o pasado 28 de febreiro informamos de que polo momento non é posible desgrabar na Declaración da Renda a cuota de persoa socia de Alcer Coruña. Estamos traballando en tramitar a documentación para ser declarada entidade de Utilidade Pública para que poidades facelo. Informaremos por este medio e tamén na páxina web cando sexa unha realidade! Desculpade as molestias que isto vos poida ocasionar!