ALCER CORUÑA. NOVIDADES DA SEMANA DO 21 DE NOVEMBRO

 ESTE DOMINGO, VÉMONOS NAS V XORNADAS DE PERSOAS CON ENFERMIDADE RENAL E NO XANTAR DE NADAL!

Achegámosvos a programación das xornadas e tamén vos recordamos que a continuación terá lugar o xantar de nadal por 16€/persoa no restaurante "A Peneira" sito na Avenida Calvo Sotelo, 18 (A Coruña).

XORNADAS DE PERSOAS CON ENFERMIDADE RENAL EN MADRID

A pasada fin de semana o coordinador de Alcer Coruña, Alfredo Saborido, estivo en Madrid nas xornadas nacionais de persoas con enfermidade renal. Acompañárono Angélica Rodríguez (vicepresidenta de Alcer Lugo) xunto coa súa parella; Nuria Cruz (presidenta de Alcer Pontevedra) e Sara (traballadora social de Alcer Pontevedra); e Martarita Rodríguez (socia de Alcer Coruña) xunto co seu marido José Manuel.

Como parte da Federación Alcer Galicia, recibimos esta placa de agasallo pola organización do Campamento Crece de menores con enfermidade renal que tivo lugar en Panxón (Pontevedra) este verán.

ASISTENCIA AO CONSELLO ASESOR DE GALICIA

Este mércores tivo lugar o Consello Asesor de Galicia ao que asistiu Alfredo Saborido, coordinador de Alcer Coruña. Na foto aparecen: á esquerda Jorge Aboal, director xeral de asistencia sanitaria; no centro Estrella Pardo, xerenta do Sergas; e á dereita Rosa Monteagudo, subdirectora da Escola de Pacientes do SERGAS.

OUTRAS NOVIDADES DE INTERESE

 A diabetes e a súa influencia no funcionamento renal. Podes ver AQUÍ un video do proxecto DEVELA para a sensibilización do coidado renal en persoas diagnosticadas de diabetes.

 A Sociedade Española de Nefroloxía creou NEFROpodcast, un canal de comunicación sobre a enfermiade renal crónica. Podes acceder a el AQUÍ.

 A hematuria persistente é unha sinal de alto risco de ter enfermiade renal crónica no futuro. Podes ler o artigo completo AQUÍ, que resume os datos dunha investigación realizada pola American Journal of Kidney Disease.